Eilean Uibhist Mo Rùin letra

Eilean uibhist mo rùin
Eilean cùbhraidh nam beann
Eilean uibhist mo rùn
B'e mo dhùrachd bhith ann
An eilean uibhist mo rùn

B'e mo shòlas bhith air m' eòlas
San eilean bhòidheach ud thall
Far am faic mi mo chàirdean
'S gheibhinn fàilte nach gann
An eilean uibhist mo rùn

Far am faic mi fìr òga
Ghearradh mòine nan deann
'S a ghearradh snasail an t-eòrna
'S a chuireadh dòrlach sa bhann
An eilean uibhist mo rùn

Far am faic mi fìr liatha
Glic-bhriathrach nan cainnt
Mean-bheachdach sean-eòlach
A' toirt seòladh don chloinn
An eilean uibhist mo rùn

Far am faic mi mnathan uasal
Aoigheil, uallachal, trang
Tha ro-ainmeil nan stòltachd
'S an gnìomh dòigheil nan làimh
An eilean uibhist mo rùn

Tha coibhneas is bàigh
'Gabhail àit' ann an com
Gach neach a chaidh àrach
Fo sgàile nam beann
An eilean uibhist mo rùn

Bi aoigheachd is fàilte
Gu bràth feadh nan gleann
Fad 's a bhuaileas air tràigh
Boinne sàile nan tonn
An eilean uibhist mo rùn

'S e slàn leis na dh'fhàg mi
Bheir mo dhàn-sa gu ceann
'S le m' phiuthar, 's le m' bhràithrean
'S le m' phàrantan thall
An eilean uibhist mo rùn

Eilean cùbhraidh nam beann
Eilean uibhist mo rùn
B'e mo dhùrachd bhith ann
An eilean uibhist mo rùn

Dóchas - Letras

• A' Mhàiri Bhòidheach
• Am Bròn Binn
• Cha D'fhuair Mi'n Cadal
• Chuir Iad Mise Dh'eilean Leam Fhìn
• Eilean Uibhist Mo Rùin
• I Ho Ro 'S Na Hug Oro Eile
• Puirt A Beul
• Tiarna Mhaigh Eo
• Waulking Song